മോഷണം തടയാൻ പോലീസിന്റെ ക്ലാസ്, കേട്ടിരുന്നത് സാക്ഷാൽ കള്ളൻ, സംശയംതോന്നി പൊക്കിയപ്പോൾ മോഷണമുതൽ കൈയിൽ
Business
തൃശ്ശൂർ :റെയിൽവേ സ്റ്റേഷനിൽ റെയിൽവേ പോലീസും ആർ.പി.എഫും ചേർന്ന് യാത്രക്കാർക്കായി മോഷണത്തിനെതിരെയുള്ള ബോധവൽക്കരണ ക്ലാസ് നടത്തുന്നതിനിടെ കള്ളൻ തന്നെ പിടിയിലായി. മലപ്പുറം തിരൂർ സ്വദേശിയായ സൂഫിയാൻ ആണ് ഉദ്യോഗസ്ഥരുടെ തന്ത്രപരമായ നീക്കത്തിലൂടെ പിടിയിലായത്. കഴിഞ്ഞ ദിവസം
തൃശ്ശൂർ സ്റ്റേഷനിൽ ബോധവൽക്കരണ ക്ലാസ് പുരോഗമിക്കുന്നതിനിടെ സംശയാസ്പദമായ രീതിയിൽ മാറിനിൽക്കുകയായിരുന്ന ഇയാളെ പോലീസും ആർ.പി.എഫും ചേര്‍ന്ന് ചോദ്യം ചെയ്യുകയായിരുന്നു. തുടർന്ന് നടത്തിയ പ്രാഥമിക പരിശോധനയിൽ ഇയാളുടെ പക്കൽ യാത്രാരേഖകളോ ടിക്കറ്റോ ഇല്ലെന്ന് വ്യക്തമായി. ശരീരപരിശോധനയിൽ ഇയാളിൽ നിന്ന് രണ്ട് വിലകൂടിയ സ്മാർട്ട്ഫോണുകൾ കണ്ടെടുത്തു. ചോദ്യം ചെയ്യലിൽ, കണ്ടെത്തിയ ഫോണുകളിലൊന്ന് അതേ ട്രെയിനിൽ തൃശൂരിൽ ഇറങ്ങിയ പാലക്കാട് സ്വദേശിയായ യാത്രക്കാരന്റേതാണെന്ന് പോലീസ് സ്ഥിരീകരിച്ചു. ഇയാളിൽ നിന്ന് മോഷണം പോയ ഫോണാണ് ഇതെന്നും കണ്ടെത്തി. പിടിയിലായ സൂഫിയാൻ വധശ്രമം ഉൾപ്പെടെ പത്തോളം ക്രിമിനൽ കേസുകളിൽ പ്രതിയാണ്. സംഭവത്തിൽ പോലീസ് കേസെടുത്ത് തുടർനടപടികൾ ആരംഭിച്ചിട്ടുണ്ട്.
Trending News
ഹാൻഡ് ബ്രേക്ക് നഷ്ടപ്പെട്ട് നിയന്ത്രണം വിട്ട് ലോറി താഴേക്ക് ഉരുണ്ടിറങ്ങി; നിരവധി ഇരുചക്ര വാഹനങ്ങൾ തകർന്നു; ഒഴിവായത് വൻ അപകടം
പെരിന്തൽമണ്ണ : നഗരത്തിലെ മാർക്കറ്റ് സിറ്റി മാളിന് സമീപം സാധനങ്ങൾ ഇറക്കാൻ നിർത്തിയിട്ടിരുന്ന ചരക്കുലോറി നിയന്ത്രണം വിട്ട്...
കൊഴിഞ്ഞാമ്പാറ കുരുന്നുകളുടെ ഇരട്ടക്കൊലപാതകം: പിന്നിൽ സ്വതന്ത്ര ജീവിത മോഹങ്ങളും മോഡലിങ് സ്വപ്‌നവും
പാലക്കാട് :കൊഴിഞ്ഞാമ്പാറയിൽ രണ്ടു പിഞ്ചുകുഞ്ഞുങ്ങളെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയ സംഭവത്തിൽ...
കുളിമുറിയിലെ ടാങ്കിൽ കുട്ടികളെ മരിച്ചനിലയിൽ കണ്ടെത്തിയത് കൊലപാതകം; കുറ്റം സമ്മതിച്ച് അമ്മ; നടുക്കം.
പാലക്കാട് : കൊഴിഞ്ഞാമ്പാറ മേനോൻപാറയിൽ കുളിമുറിയിലെ വെള്ളത്തൊട്ടിയിൽ സഹോദരങ്ങളായ രണ്ട് കുട്ടികളെ മരിച്ചനിലയിൽ കണ്ടെത്തിയ...
