സമസ്ത കേരള ജംഇയ്യത്തുല് ഉലമയുടെ നൂറാം വാര്ഷികത്തിന് കന്നഡ മണ്ണില് പ്രൗഢ സാക്ഷ്യം
national
നൂറാം വാര്ഷികം: 6 പദ്ധതികള് പ്രഖ്യാപിച്ചു…
ബംഗളൂരു: സമസ്ത കേരള ജംഇയ്യത്തുല് ഉലമയുടെ നൂറാം വാര്ഷികത്തിന് കന്നഡ മണ്ണില് പ്രൗഢ സാക്ഷ്യം. ആത്മീയ മഹാ പണ്ഡിത സഭയുടെ നൂറാം വാര്ഷികാഘോഷങ്ങള്ക്ക് ബംഗളൂരു പാലസ് മൈതാനം വേദിയായപ്പോള് ഈ സായാഹ്നം പുതുചരിതത്തിന്റേതുകൂടിയായി. പതിനായിരങ്ങള് സംഗമിച്ച സമ്മേളനം ഭാഷാ വൈവിധ്യത്തിന്റെയും വേദിയായി. ആദര്ശ പണ്ഡിതസഭയുടെ നായകന് സയ്യിദ് മുഹമ്മദ് ജിഫ്രി മുത്തുക്കോയ തങ്ങളും പ്രൊഫസര് ആലിക്കുട്ടി മുസ്ലിയാരും പാണക്കാട് സയ്യിദ് സാദിഖലി ശിഹാബ് തങ്ങളും പണ്ഡിതസഭയുടെ കേന്ദ്ര അംഗങ്ങളും വേദിയില് എത്തിയപ്പോള് അന്തരീക്ഷം ആകെ തക്ബീര് ധ്വനികളാല് മുഖരിതമായി. സമസ്ത വൈസ് പ്രസിഡന്റ് നെല്ലായ കുഞ്ഞിമുഹമ്മദ് മുസ്ലിയാര് പ്രാര്ത്ഥനയ്ക്ക് നേതൃത്വം നല്കി. വൈകിട്ട് നാലുമണിയോടെ തന്നെ നൂറാം വാര്ഷിക ഉദ്ഘാടന സമ്മേളനത്തിന് തുടക്കം കുറിച്ചു.
***********************************
സമസ്ത നൂറാം വാര്ഷികത്തിന്റെ ഭാഗമായി ഉദ്ഘാടന സമ്മേളനത്തില് ആറ് കര്മപദ്ധതികള് പ്രഖ്യാപിച്ചു. സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങളാണ് പദ്ധതികള് പ്രഖ്യാപിച്ചത്. സമസ്ത കേന്ദ്ര മുശാവറ യോഗത്തില് തീരുമാനിച്ച ആറ് പദ്ധതികളാണ് തങ്ങള് പ്രഖ്യാപിച്ചത്. പരിശുദ്ധ അഹ്ലുസുന്നത്തി വല് ജമാഅത്തിന്റെ ആശയാദര്ശങ്ങള് പ്രചരിപ്പിക്കുന്നതിന് ദേശീയ അന്തര്ദേശീയ തലത്തില് പുതിയ പദ്ധതികള് ആവിഷ്കരിച്ചു നടപ്പാക്കല്. സമസ്തയുടെ പ്രവര്ത്തനങ്ങള് ദേശീയ അന്തര്ദേശീയ തലത്തില് പുതിയ പദ്ധതികള് ആവിഷ്കരിച്ചു നടപ്പാക്കല്. സമസ്തയുടെ പ്രവര്ത്തനങ്ങള് ദേശീയ അന്തര്ദേശീയ തലങ്ങളില് ഏകോപിപ്പിക്കുന്നതിന് അന്തര്ദേശീയ തലത്തില് കോ ഓഡിനേഷന് കമ്മിറ്റിക്ക് രൂപം നല്കല്. ബംഗളൂരു കേന്ദ്രമായി ഉന്നത വിദ്യാഭ്യാസ സ്ഥാപനം ആരംഭിക്കല്.
സമസ്തയുടെ നിലവിലുള്ള വിദ്യാഭ്യാസ സംവിധാനങ്ങള് കൂടുതല് മേഖലകളിലേക്ക് വ്യാപിപ്പിക്കാന് ആവശ്യമായ പദ്ധതികള് ആവിഷ്കരിക്കല്. സാമൂഹിക സാംസ്കാരിക ജീവകാരുണ്യ പ്രവര്ത്തനങ്ങള്ക്ക് കൂടുതല് ഊന്നല് നല്കി പദ്ധതികള് ആവിഷ്കരിച്ചു നടപ്പാക്കല്. അഹ്ലുസുന്നത്തി വല് ജമാഅത്തിന്റെ ആശയാദര്ശങ്ങള്ക്ക് വിധേയമായി പ്രബോധന രംഗത്ത് പുതിയ സംവിധാനങ്ങള് ഏര്പ്പെടുത്തല്. എന്നീ കര്മപദ്ധതികളാണ് ബംഗളൂരു പാലസ് മൈതാനിയിലെ നൂറാം വാര്ഷിക ഉദ്ഘാടന സമ്മേളനത്തിൽ ജിഫ്രി തങ്ങള് പ്രഖ്യാപിച്ചത് .
Trending News
സംസ്ഥാനത്ത് കനത്ത മഴയില് വ്യാപക നാശനഷ്ടം. ഇടുക്കിയിലും കോട്ടയത്തും ഉരുൾപൊട്ടി. നാലുപേർ മരിച്ചു.
തിരുവനന്തപുരം: സംസ്ഥാനത്ത് കനത്ത മഴയില് വ്യാപക നാശനഷ്ടം. ഇടുക്കിയിലും കോട്ടയത്തും ഉരുൾപൊട്ടി. നാലുപേർ മരിച്ചു. പത്തനംതിട്ട റാന്നി...
മേലാറ്റൂരിൽ നാട്ടിലിറങ്ങിയ കാട്ടാന മണിക്കൂറുകളോളം ജനങ്ങൾ ഭീതിയിലാക്കി
മേലാറ്റൂർ : മേലാറ്റൂരിൽ നാട്ടുകാരെ രീതിയിലാക്കി കാട്ടാന. കാടിറങ്ങി രണ്ടു ദിവസങ്ങളിലായി ജനങ്ങളെ ഭീതിയിലാക്കിയ കാട്ടാനയെ ഒടുവിൽ...
അധ്യാപികമാർ പ്രതികളായ ലഹരി കേസ്; അന്വേഷണത്തിനായി നാലംഗ സംഘത്തെ പ്രഖ്യാപിച്ച് വിദ്യാഭ്യാസ വകുപ്പ്, അടിയന്തരമായി റിപ്പോർട്ട് കൈമാറണമെന്ന് ഉത്തരവ്
വടകര: കോഴിക്കോട് ബിആർസിയിലെ അധ്യാപകർ പ്രതികളായ ലഹരിക്കേസിൽ അന്വേഷണം പ്രഖ്യാപിച്ച് വിദ്യാഭ്യാസ വകുപ്പ്. അന്വേഷണം നടത്താനായി നാലംഗ...
