പുഴയിലെ കാടുകൾ വെട്ടിഒഴിവാക്കിയോ കടവുകളിലെ മുൾപടർപ്പുകൾ ഒഴിവാക്കിയും മുൻകരുതൽ ബോർഡുകൾ സ്ഥാപിച്ചോ അപകട സാധ്യത നടപടികൾ എടുക്കാതെ അധികൃതർ

പു​ലാ​മ​ന്തോ​ൾ: ഒരുകാലത്ത് അടുത്ത വേനലിൽ പോലും തെളിനീരൊഴുകിയിരുന്ന തൂതപ്പുഴയുടെ
ആ​ഴ​ങ്ങ​ളി​ൽ അ​പ​ക​ടങ്ങളും ജീവഹാനികളും തു​ട​ർ​ക്ക​ഥ​യാ​വു​ന്നു. പതിറ്റാണ്ടുകളോളം മണലെടുത്ത് വൻ ഗർത്തങ്ങൾ രൂപപ്പെട്ട പുഴയുടെ പല ഭാഗങ്ങളും ഇന്ന് പുഴയോരവാസികൾക്ക് പോലും പേടിസ്വപ്നമാണ്. ക​ഴി​ഞ്ഞ കുറച്ചു വർഷങ്ങളായി പുലാമന്തോൾ വിളയൂർ പഞ്ചായത്തുകൾക്ക് അതിർവരമ്പിട്ടൊഴുകുന്ന പുഴയിൽ നിരവധി ജീവനുകളാണ് പൊലിഞ്ഞത്.

എന്നാൽ പുഴയുടെ അപകടകരമായ ഗർത്തങ്ങളെ കുറിച്ചു മുന്നറിയിപ്പ് നൽകാനോ പലയിടങ്ങളിലും അപകടകരമായി വളർന്ന മുൾപടർപ്പുകളും കാടുകളും നീക്കം ചെയ്യുവാനോ ബന്ധപ്പെട്ട അധികൃതർ ശ്രദ്ധിക്കാറില്ല വർഷങ്ങൾക്കു മുമ്പ് കുളിക്കുവാനും മറ്റുമായി ദിനേന 100 കണക്കിന് ആളുകൾ എത്തി സജീവമായിരുന്ന പുഴ കടവുകൾ കാലങ്ങളായി പലപ്പോഴും ആരും എത്താതെ വിജനമാണ്. പല കടവുകളിലും പുഴയിൽ ഇറങ്ങുന്നത് തന്നെ ഭീതിജനകമാണ്.

പുലാമന്തോൾ പഞ്ചായത്തിൽ പുലാമന്തോൾ തടയണക്ക് താഴെയും ചെമ്മലശ്ശേരി ആലിക്കൽ കടവിന് സമീപവുമാണ് കുറച്ചു വർഷങ്ങളായി പുഴയിൽ നിരവധി ജീവഹാനികൾ സംഭവിച്ചത്. ഇക്കഴിഞ്ഞ സെ​പ്റ്റം​ബ​ർ 16ന് ​മൂ​ർ​ക്ക​നാ​ട് സ്വ​ദേ​ശി കി​ളി​ക്കു​ന്നു​കാ​വ് പാ​റ​ക്ക​ട​വി​ൽ മു​ങ്ങി മ​രി​ച്ചി​രു​ന്നു. ദു​ബൈ​യി​ൽ ജീ​വ​ന​ക്കാ​രാ​യ ഭാ​ര്യ​യും ഭ​ർ​ത്താ​വും കി​ളി​ക്കു​ന്ന് കാവ് ക്ഷേത്രത്തിനു സമീപമുള്ള ബ​ന്ധു​വീ​ട്ടി​ൽ വീ​ട് കൂ​ട​ൽ ച​ട​ങ്ങി​നെ​ത്തി​യ​താ​യി​രു​ന്നു. അ​ന്നേ ദി​വ​സം ഉ​ച്ച​യോ​ടെ പു​ഴ കാ​ണാ​നെ​ത്തിയപ്പോൾ കുളിക്കാനുള്ള ആഗ്രഹവുമായി തൊ​ട്ട​ടു​ത്ത വീ​ട്ടി​ൽ​നി​ന്ന് തോർത്ത്‌ മു​ണ്ട് വാ​ങ്ങി പു​ഴ​യി​ലേ​ക്കി​റ​ങ്ങു​ക​യാ​യി​രു​ന്നു മരണപെട്ട ആൾ. പ​രി​സ​ര​വാ​സി​ക​ൾ ന​ൽ​കി​യ മു​ന്ന​റി​യി​പ്പ് അ​വ​ഗ​ണി​ച്ചി​റ​ങ്ങി​യ ആ​ളെ തൊ​ട്ട​ടു​ത്ത ദി​വ​സം രാ​വി​ലെ പാ​റ​ക്ക​ട​വി​ൽ​നി​ന്ന് 200 മീ​റ്റ​ർ താ​ഴെ മു​ൾ​പ്പ​ട​ർ​പ്പി​ൽ കു​രു​ങ്ങി മ​രി​ച്ച നി​ല​യി​ൽ മീ​ൻ​പി​ടി​ക്കാ​നെ​ത്തി​യ​വ​രാ​ണ് ക​ണ്ടെ​ത്തി​യ​ത്.

മു​ന്ന​റി​യി​പ്പു​ക​ൾ ന​ൽ​കി​യാ​ലും പുഴയിൽ ഇറങ്ങുന്നത് ​ അ​വ​ഗ​ണി​ക്കു​ന്ന​താ​ണ് പ​തി​വ് എന്ന് പുഴയോര വാസികൾ പറയുന്നു. കഴിഞ്ഞദിവസം ആലിക്കൽ ആറാട്ടിനോടനുബന്ധിച്ച് പുഴയോരത്ത് എത്തിയ രണ്ട് കുട്ടികൾ പുഴയിലേക്ക് ഇറങ്ങുകയും തുടർന്ന് ഇവരെ രക്ഷിക്കാൻ എത്തിയ കരിങ്ങനാട് സ്വദേശി കുട്ടികളെ രക്ഷപ്പെടുത്തുന്നതിനിടയിൽ പുഴയുടെ ആഴങ്ങളിലേക്ക് മുങ്ങി പോവുകയും ആയിരുന്നു

രക്ഷിക്കാൻ പുഴയിൽ ഇറങ്ങിയവർക്ക് നിർഭാഗ്യവശാൽ രക്ഷിക്കാൻ കഴിഞ്ഞില്ല. ഇതിനുമുമ്പും നിരവധി പേർ പുഴയിൽ മുങ്ങിപ്പൊങ്ങുകയും പലപ്പോഴും ഭാഗ്യം കൊണ്ട് മാത്രം രക്ഷപ്പെടുകയും ചെയ്തിട്ടുണ്ട്. റിവർ മാനേജ്മെന്റ് പദ്ധതിയിൽ ഉൾപ്പെടുത്തി പുഴയിലെ കാടുകൾ വെട്ടി ഒഴിവാക്കുകയും കടവുകൾ പുനരുദ്ധരിക്കുകയും ചെയ്യാമെന്ന്ഇരിക്കെ ബന്ധപെട്ടവർ ഇതിനുമുതിരുന്നില്ല മാത്രമല്ല പുഴ​യി​ലെ ആ​ഴ​ങ്ങ​ളി​ൽ പ​തി​യി​രി​ക്കു​ന്ന അ​പ​ക​ട​ങ്ങ​ളെ​ക്കു​റി​ച്ച് മു​ന്ന​റി​യി​പ്പ് ബോ​ർ​ഡു​ക​ളും മ​റ്റും സ്ഥാ​പി​ക്കാ​നും അ​ധി​കൃ​ത​ർ ഇ​നി​യും ത​യാ​റാ​യി​ട്ടി​ല്ല.