വണ്ടൂർ കൂരാട് ഇന്നോവ കാര് മരത്തിലിടിച്ചുണ്ടായ അപകടത്തില് മരണം മൂന്നായി
accident
മലപ്പുറം: വണ്ടൂരിന് സമീപം കൂരാട് ഇന്നോവ കാര് മരത്തിലിടിച്ചുണ്ടായ അപകടത്തില് മരണം മൂന്നായി. പരിക്കേറ്റ് ചികിത്സയിലായിരുന്ന ചെല്ലക്കുടി സ്വദേശി കുഞ്ഞിമുഹമ്മദ്, മകള് താഹിറ എന്നിവരാണ് മരിച്ചത്. കുഞ്ഞിമുഹമ്മദിന്റെ ഭാര്യ മൈമൂന അപകടസ്ഥലത്ത് തന്നെ മരിച്ചിരുന്നു. പെരിന്തല്മണ്ണയിലെ സ്വകാര്യ ആശുപത്രിയില് വെച്ചാണ് കുഞ്ഞിമുഹമ്മദും താഹിറയും മരിച്ചത്.
താഹിറയുടെ മകള് അന്ഷിദ മൈസൂരില് നഴ്സിങ്ങിന് പഠിക്കുകയാണ്. ഇവിടെ പോയി ഇന്നലെ തിരിച്ചു വരവേയാണ് ഏഴംഗ കുടുംബം സഞ്ചരിച്ച കാര് മരത്തില് ഇടിച്ച് അപകടമുണ്ടായത്. താഹിറയുടെ ഇരട്ടക്കുട്ടികളായ മുഹമ്മദ് അസ്മല്, മുഹമ്മദ് അര്ഷദ്, പാണ്ടിക്കാട് വള്ളുവങ്ങാട് തെക്കേതില് ഇസഹാഖ്, ഇസഹാഖിന്റെ മകള് ഷിഫ്ര മെഹറിന് എന്നിവര്ക്കും അപകടത്തില് പരിക്കേറ്റു.
നിലവില് ഇവര് പെരിന്തല്മണ്ണ സ്വകാര്യ ആശുപത്രിയില് ചികിത്സയില് തുടരുകയാണ്. മൈസൂരില് നിന്ന് മടങ്ങി വീടിന്റെ ഒന്നര കിലോമീറ്റര് അടുത്തെത്തിയപ്പോഴാണ് അപകടമുണ്ടായത്. ഇസ്ഹാഖാണ് കാര് ഓടിച്ചത്. അപകട സമയത്ത് നല്ല മഴയായിരുന്നു. അപകടത്തിന്റെ ശബ്ദം കേട്ട് നാട്ടുകാര് ഓടിക്കൂടിയാണ് ഇവരെ ആശുപത്രിയിൽ എത്തിച്ചത്
Trending News
ശബരിമല ഭണ്ഡാരത്തിൽനിന്ന് വിദേശ കറൻസിയടക്കം വായ്ക്കുള്ളിലാക്കി കടത്തി; രണ്ട് ദേവസ്വം ജീവനക്കാർ പിടിയിൽ
ശബരിമല: ക്ഷേത്രഭണ്ഡാരത്തിൽനിന്ന് വിദേശകറൻസികളും സ്വർണവും വായ്ക്കുള്ളിലാക്കി കടത്തിയ രണ്ട് ദേവസ്വം ജീവനക്കാർ അറസ്റ്റിൽ. ആലപ്പുഴ...
നാടിന്റെ നൊമ്പരമായി മുഹമ്മദ് റുശ്ദാന്റെ വിയോഗം
കഴിഞ്ഞ വ്യാഴാഴ്ച പാങ്ങ് പടിഞ്ഞാറ്റുമുറിയിൽ ലോറി ഇടിച്ചുണ്ടായ അപകടത്തിൽ പരിക്കേറ്റ് പെരിന്തൽമണ്ണയിലെ സ്വകാര്യ ആശുപത്രിയിൽ...
ലഹരിയും അനാശാസ്യവും വേണ്ട; വന്നാൽ അടി ഉറപ്പ്! പെരുമ്പാവൂരിൽ നാട്ടുകാർ രംഗത്ത്.
പെരുമ്പാവൂർ: എറണാകുളം ജില്ലയിലെ പെരുമ്പാവൂരിലെ ലഹരി വില്പനക്കും പെൻവാണിഭത്തിനും കുപ്രസിദ്ധിയാർജിച്ച ഭായ് കോളനി ഇനി അനാശാസ്യ...
