ഇടുക്കി: ഇടുക്കി മൂന്നാറിന് സമീപം സ്കൈ ഡൈനിങ്ങിൽ കുടുങ്ങിയ വിനോദ സഞ്ചാരികളെ താഴെയെത്തിച്ചു. അഞ്ച് പേരാണ് കുടുങ്ങിക്കിടന്നിരുന്നത്. മംഗലാപുരം സ്വദേശികളായ മലയാളികളാണ് കുടുങ്ങിയത്. മുഹമ്മദ് സഫ്വാൻ, ഭാര്യ തൗഫീന, മക്കളായ ഇവാൻ, ഇനാര എന്നിവരാണ് കുടുങ്ങിയത്. ജീവനക്കാരിയായ ഹരിപ്രിയയും ഇവർക്കൊപ്പം കുടുങ്ങിയിരുന്നു. എല്ലാവരെയും താഴെയെത്തിച്ചു. കുട്ടികളെയാണ് ആദ്യം താഴെയിറക്കിയത്. ഇതിൽ രണ്ടര വയസ്സുള്ള കുട്ടിയുമുണ്ട്. ക്രെയിനിൻ്റെ സാങ്കേതിക തകരാർ ആണ് കാരണമെന്ന് അധികൃതർ പറയുന്നു. ഇടുക്കി ആനച്ചാലിൽ അടുത്തിടെയാണ് ആകാശത്തിരുന്ന് ഭക്ഷണം കഴിക്കുന്നതിനായി അഡ്വൈഞ്ചർ ടൂറിസത്തിൻ്റെ ഭാ​ഗമായി പദ്ധതി തുടങ്ങിയത്.

120 അടി ഉയരത്തിലാണ് ആകാശത്തിരുന്ന് ഭക്ഷണം കഴിക്കുന്ന പദ്ധതി. അരമണിക്കൂറിലേറെ സമയമാണ് അവിടെ ചിലവിടുക. ഒരേസമയം 15 പേർക്ക് ഇരിക്കാനുള്ള സൗകര്യമാണ് ഇതിലുള്ളത്. ആകാശക്കാഴ്ച്ച ആസ്വദിക്കാനുള്ള സൗകര്യത്തോടെയാണ് പദ്ധതി. ഇത് ക്രെയിൻ ഉപയോ​ഗിച്ച് ഉയർത്തുന്നതാണ് രീതി. എന്നാൽ ക്രെയിനിൻ്റെ സാങ്കേതിക തകരാർ മൂലം ക്രെയിൻ താഴ്ത്താൻ പറ്റാത്തതാണ് പ്രശ്നമായത്.

• ഏകദേശം 150 അടിയോളം പൊങ്ങാവുന്ന ക്രയിനിൽ കയറിയത് കണ്ണൂരിലെ കുടുംബം; ആകാശ കാഴ്ചകൾ കണ്ടിരുന്ന് ഭക്ഷണം കഴിച്ച് തിരിച്ചിറങ്ങാൻ നേരത്ത് പെട്ടു; സാങ്കേതിക തകരാർ മൂലം അവർ കുടുങ്ങിയത് മണിക്കൂറുകളോളം; മൂന്നാറിനെ മുൾമുനയിൽ നിർത്തിയ നിമിഷം; ഒടുവിൽ രക്ഷയായത് ഫയർ ഫോഴ്‌സിന്റെ വരവിൽ

മൂന്നാർ മൂന്നാറിനടുത്തുള്ള ആനച്ചാലിൽ പ്രവർത്തിക്കുന്ന സാഹസിക ടൂറിസം പദ്ധതിയായ ‘സ്കൈ ഡൈനിങ്ങി’ൽ ക്രെയിനിൻ്റെ സാങ്കേതിക തകരാറിനെ തുടർന്ന് കുടുങ്ങിയ വിനോദസഞ്ചാരികളെ എല്ലാവരെയും താഴെ ഇറക്കി. കണ്ണൂരിൽ നിന്നുള്ള നാലംഗ കുടുംബവും ഒരു ജീവനക്കാരനുമടക്കം ആകെ അഞ്ച് പേരാണ് ആകാശത്ത് കുടുങ്ങിക്കിടന്നത്. സംഘത്തിൽ രണ്ടര വയസ്സുള്ള ഒരു കുട്ടിയും ഉൾപ്പെട്ടിരുന്നു.