കളിക്കുന്നതിനിടെ തകരാറിലായ ഗേറ്റ് തലയിൽ വീണു; അഞ്ച് വയസ്സുകാരൻ മരിച്ചു
accident
കോട്ടക്കൽ :കളിക്കുന്നതിനിടെ കേടുവന്ന് ചാരിവെച്ചിരുന്ന ഗേറ്റ് ദേഹത്തേക്ക് വീണ് അഞ്ച് വയസ്സുകാരൻ മരിച്ചു. കോട്ടക്കൽ രണ്ടത്താണി പൊട്ടിപ്പാറ കളത്തിങ്ങൽ റഷീദിന്റെയും കുന്നത്തൊടി ജസീനയുടെയും മകൻ മുഹമ്മദ് മാസിൻ ആണ് മരിച്ചത് അറ്റക്കുറ്റപ്പണിക്കായി അഴിച്ച് വെച്ചിരുന്ന അയൽവീട്ടിലെ ഗെയ്റ്റിൽ കയറിയതിനിടെയാണ് അപകടം സംഭവിച്ചത്. മാറാക്കര ചെറുപറമ്പിൽ വീടിന്റെ അയൽപ്പക്കത്തു വെച്ചാണ് അപകടം ഉണ്ടായത്. മാറാക്കരയിലെ ഇവരുടെ വീടിന് സമീപം തകരാറിലായതിനെ തുടർന്ന് അഴിച്ചു മാറ്റി ചാരിവെച്ച വലിയ ഇരുമ്പ് ഗേറ്റിന് സമീപം മറ്റ് കുട്ടികൾക്കൊപ്പം മാസിൻ കളിച്ചുകൊണ്ടിരിക്കുകയായിരുന്നു. ഇതിനിടയിലാണ് അപകടത്തിൽപ്പെട്ടത്.
ഗേറ്റ് പെട്ടെന്ന് കുട്ടിയുടെ തലയിലേക്ക് മറിഞ്ഞു വീഴുകയായിരുന്നു. ഗുരുതരമായി പരിക്കേറ്റ കുട്ടിയെ ഉടൻതന്നെ കോട്ടക്കലിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.അപ്രതീക്ഷിതമായി എത്തിയ ദുരന്തത്തിന്റെ ഞെട്ടലിലാണ് കുടുംബവും പ്രദേശവാസികളും. ഓട്ടോ ഡ്രൈവറാണ് പിതാവ് റഷീദ്.
മൃതദേഹം പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും.
Trending News
വയറുവേദനയ്ക്ക് ചികിത്സയ്ക്ക് എത്തിയ 19 കാരി പ്രസവിച്ചു; കുഞ്ഞിനെ ശുചിമുറിയുടെ ജനലിലൂടെ വലിച്ചെറിഞ്ഞു : സംഭവം ആലപ്പുഴയിൽ
ആലപ്പുഴ: നവജാത ശിശുവിനെ അമ്മ ജനലിലൂടെ വലിച്ചെറിഞ്ഞു. ഹരിപ്പാട് താലൂക്ക് ആശുപത്രിയിലാണ് സംഭവം. അവിവാഹിതയായ പത്തൊന്പതുകാരിയാണ്...
വയനാട് തുരങ്കപ്പാതയുടെ രണ്ടാമത്തെ തുരങ്കത്തിന്റെ നിര്മാണത്തിന് തുടക്കമായി
കനത്ത മഴയിൽ വയനാട് തുരങ്കപാത പ്രദേശത്തേക്കുള്ള താൽക്കാലിക പാലം ഒലിച്ചു പോയി വയനാട് തുരങ്കപ്പാതയുടെ രണ്ടാമത്തെ തുരങ്കത്തിന്റെ ...
വളാഞ്ചേരിയിൽ ട്രാൻസ്ജെൻഡർ യുവതിയെ ആക്രമിച്ച് പണവും ഫോണും കവർന്ന സംഭവം; ചെമ്മല സ്വദേശി പിടിയിൽ
വളാഞ്ചേരി :വളാഞ്ചേരിയിൽ ട്രാൻസ്ജെൻഡർ യുവതിയെ കയറി പിടിക്കുകയും ദേഹോപദ്രവമേല്പിച്ചു പണവും ഫോണും കവരുകയും ചെയ്ത സംഭവത്തിൽ നിരവധി...
