വൈറലായി, റിഹാന്റെ ‘ഞെട്ടിക്കൽ കിക്ക്’; മൂന്നാം ക്ലാസുകാരന്റെ മഴവിൽ കിക്കിന് മന്ത്രി ശിവൻകുട്ടിയുടെ ‘ലൈക്’
Entertainment
താഴേക്കോട് ∙ ഡി ബോക്സിനു വാരകൾ അകലെ നിന്ന് മൂന്നാം ക്ലാസുകാരൻ മുഹമ്മദ് റിഹാൻ തൊടുത്ത ഫ്രീകിക്ക് ആണ് ഇപ്പോൾ സമൂഹ മാധ്യമങ്ങളിലെ ട്രെൻഡ്. ഏഴാം നമ്പർ ജഴ്സിയണിഞ്ഞ് റിഹാൻ കിക്കെടുത്തപ്പോൾ മൂന്നു പേരുടെ മതിലിനും പോസ്റ്റിലെ ഗോളിക്കും നോക്കി നിൽക്കാനേ കഴിഞ്ഞുള്ളൂ. മഴവിൽപോലെ പന്ത് വല തൊട്ടു. ഇൻസ്റ്റഗ്രാമിൽ 20 ലക്ഷം പേരാണ് ഈ വൈറൽ ഫ്രീകിക്ക് ഇതിനകം കണ്ടുകഴിഞ്ഞത്. മന്ത്രി വി.ശിവൻകുട്ടി തന്നെ വിഡിയോ ഷെയർ ചെയ്ത് അഭിനന്ദനം അറിയിച്ചു. കരിങ്കല്ലത്താണി വെള്ളക്കുന്ന് സ്വദേശി പി.ടി.റഫീഖ്, ഫർസാന ദമ്പതികളുടെ മകനാണ് കരിങ്കല്ലത്താണി ജിഎംഎൽപിഎസിൽ മൂന്നാം ക്ലാസിൽ പഠിക്കുന്ന മുഹമ്മദ് റിഹാൻ.
പിടിഎം ഹയർ സെക്കൻഡറി സ്കൂളിൽ സംഘടിപ്പിച്ച ടൂർണമെന്റിലാണ് ഈ വൈറൽ ഫ്രീകിക്ക് പിറന്നത്. ടൂർണമെന്റിലെ മികച്ച കളിക്കാരനും റിഹാൻ തന്നെ. മൂന്ന് മത്സരങ്ങളിൽ നിന്നായി 9 ഗോൾ ഈ മിടുക്കൻ സ്വന്തമാക്കി. റിഹാന്റെ ഫുട്ബോളിനോടുള്ള താൽപര്യം തിരിച്ചറിഞ്ഞ പിതാവ് പി.ടി.റഫീഖ് കഴിഞ്ഞ 5 വർഷമായി കരിങ്കല്ലത്താണി ഇഫ ഫുട്ബോൾ അക്കാദമിയിൽ പരിശീലനം നൽകിവരുന്നു. വിവിധ മത്സരങ്ങളിൽ റഹാനു പിന്തുണയുമായി പിതാവിന്റെ കൂടെ മുത്തച്ഛൻ പി.ടി. ഹൈദ്രസും ഒപ്പമുണ്ടാകാറുണ്ട്.
Trending News
അള്ളാ, മക്കളേ ക്യാമറ’; മാവിന് കല്ലെറിയാൻ എത്തിയപ്പോൾ സിസിടിവി കണ്ടു, ഏത്തമിട്ട് കുട്ടികൾ – കൈയടിച്ച് സോഷ്യൽ മീഡിയ
വല്ലപ്പുഴ :സ്കൂളിൽ പോകുമ്പോഴും വരുമ്പോഴും പല തരത്തിലുള്ള കുസൃതികൾ ഒപ്പിക്കാത്തവരായി ആരുമുണ്ടാകില്ല . സ്കൂൾ വിട്ട് വരുമ്പോൾ മാവിന്...
പണിയെടുക്കാതെ കൃത്യസമയത്ത് ഭക്ഷണം കഴിക്കാൻ അവിവാഹിതന്റെ അതിബുദ്ധി; കിട്ടിയ പണി തിരിച്ചുകൊടുത്ത് കൊല്ലം പൊലീസ്
കൊല്ലം: പണിയെടുക്കാതെ കൃത്യസമയത്ത് സ്വാദിഷ്ടമായ ഭക്ഷണം കഴിക്കാൻ എന്താ മാർഗ്ഗം ? മയ്യനാട് മുക്കം വലിയഴികം വീട്ടില് പ്രമോദ്...
പള്ളിയിൽ നിസ്കാരത്തിനിടെ മൊബൈൽ ഫോൺ മോഷ്ടിച്ചആൾ വിൽക്കാനെത്തിയപ്പോൾ കൈയോടെ പിടിയിലായി
മലപ്പുറം: പള്ളിയിൽ നമസ്കാരത്തിനിടെ മൊബൈൽഫോൺ മോഷ്ടിച്ചയാൾ പിടിയിലായി. നെന്മാറ സ്വദേശി ഷംസുദ്ദീനെയാണ് തിരൂർ പോലീസ്...
