ഫിഫ അറബ് കപ്പ് ഫൈനൽ നാളെ : പോരാട്ടം ജോർദാനും മൊറോക്കോയും തമ്മിൽ
Business
ദോഹ: ഫിഫ അറബ് കപ്പ് 2025-ൽ മൊറോക്കോ vs ജോർദാൻ ഫൈനൽ പോരാട്ടം ഖത്തർ നാഷണൽ ഡേ ദിനമായ (നാളെ) ഡിസംബർ 18 വ്യാഴാഴ്ച ലുസൈൽ സ്റ്റേഡിയത്തിൽ ഇന്ത്യൻ സമയം വൈകുന്നേരം 9 .30 ന് (പ്രദേശിക സമയം 7 മണിക്ക് ) നടക്കും. തിങ്കളാഴ്ച സൗദി അറേബ്യയെ 1–0ന് തോൽപ്പിച്ച് ജോർദാൻ ആദ്യമായി അറബ് കപ്പ് ഫൈനലിൽ എത്തി. അൽ ബൈത് സ്റ്റേഡിയത്തിൽ 62,825 കാണികളുടെ മുൻപിൽ നിസാർ അൽ റഷ്ദാൻ 66-ാം മിനിറ്റിൽ ഹെഡർ ഗോളിലൂടെ ജോർദാന്റെ വിജയത്തിന് വഴിതിരിച്ചു. അതോടെ സൗദി അറേബ്യക്ക് മൂന്നാം തവണ കിരീടം നേടാനുള്ള ശ്രമം അവസാനിച്ചു.നേരത്തെ ആദ്യം നടന്ന സെമി ഫൈനലിൽ മൊറോക്കോ ഖലീഫ ഇന്റർനാഷണൽ സ്റ്റേഡിയത്തിൽ യുഎഇയെ 3–0ന് പരാജയപ്പെടുത്തി ഫൈനലിലേക്ക് കടന്നിരുന്നു . 28-ാം മിനിറ്റിൽ കരീം എൽ ബെർക്കാവൂയിയുടെ ഹെഡർ, 83-ാം മിനിറ്റിൽ അഷ്‌റഫ് എൽ മഹ്ദിയൂയിയുടെ ഗോൾ, ഇൻജുറി ടൈമിലെ അബ്ദെറസാക് ഹംദല്ലാഹിന്റെ ഗോൾ എന്നിവ ജയം ഉറപ്പിച്ചു. 33,898 ആരാധകരുടെ സാന്നിധ്യത്തിൽ മൊറോക്കോ തുടക്കം മുതൽ മത്സരത്തെ നിയന്ത്രിക്കുകയും പ്രതിരോധത്തിൽ ശക്തമായി നിലകൊള്ളുകയും ചെയ്തു. മൊറോക്കോ രണ്ടാം തവണയാണ് ഫൈനൽ കളിക്കാൻ ഒരുങ്ങുന്നത്. വലിയ പ്രതീക്ഷയിലാണ് ഇരു ടീമിൻ്റെയും ആരാധകർ.
Trending News
ഹാൻഡ് ബ്രേക്ക് നഷ്ടപ്പെട്ട് നിയന്ത്രണം വിട്ട് ലോറി താഴേക്ക് ഉരുണ്ടിറങ്ങി; നിരവധി ഇരുചക്ര വാഹനങ്ങൾ തകർന്നു; ഒഴിവായത് വൻ അപകടം
പെരിന്തൽമണ്ണ : നഗരത്തിലെ മാർക്കറ്റ് സിറ്റി മാളിന് സമീപം സാധനങ്ങൾ ഇറക്കാൻ നിർത്തിയിട്ടിരുന്ന ചരക്കുലോറി നിയന്ത്രണം വിട്ട്...
കൊഴിഞ്ഞാമ്പാറ കുരുന്നുകളുടെ ഇരട്ടക്കൊലപാതകം: പിന്നിൽ സ്വതന്ത്ര ജീവിത മോഹങ്ങളും മോഡലിങ് സ്വപ്‌നവും
പാലക്കാട് :കൊഴിഞ്ഞാമ്പാറയിൽ രണ്ടു പിഞ്ചുകുഞ്ഞുങ്ങളെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയ സംഭവത്തിൽ...
കുളിമുറിയിലെ ടാങ്കിൽ കുട്ടികളെ മരിച്ചനിലയിൽ കണ്ടെത്തിയത് കൊലപാതകം; കുറ്റം സമ്മതിച്ച് അമ്മ; നടുക്കം.
പാലക്കാട് : കൊഴിഞ്ഞാമ്പാറ മേനോൻപാറയിൽ കുളിമുറിയിലെ വെള്ളത്തൊട്ടിയിൽ സഹോദരങ്ങളായ രണ്ട് കുട്ടികളെ മരിച്ചനിലയിൽ കണ്ടെത്തിയ...
