തൃശൂരില് വീട് കുത്തിത്തുറന്ന് ഗൃഹനാഥനെ കെട്ടിയിട്ട് 45 പവന് സ്വര്ണവും പണവും കവര്ന്നു
Crime
തൃശൂര്: മണ്ണുത്തി മുല്ലക്കരയില് ഗൃഹനാഥനെ കെട്ടിയിട്ട് മര്ദ്ദിച്ച ശേഷം വന് കവര്ച്ച. 40 പവന് സ്വര്ണാഭരണങ്ങളും അമ്പതിനായിരം രൂപയുമാണ് മോഷണം പോയത്. തൃശൂര് മണ്ണുത്തി ഡോണ്ബോസ്കോ സ്കൂളിന് സമീപം താമസിക്കുന്ന സോമശേഖരന്റെ വീട്ടില് ഇന്നലെ പുലര്ച്ചെ മൂന്ന് മണിയോടെയായിരുന്നു മോഷണം. സംഭവസമയത്ത് സോമശേഖരന് മാത്രമായിരുന്നു വീട്ടിലുണ്ടായിരുന്നത്.
ഹിന്ദി സംസാരിക്കുന്ന മൂന്നുപേരാണ് കവര്ച്ചയ്ക്ക് പിന്നിലെന്നാണ് സോമശേഖരന് പൊലിസിന് നല്കിയിരിക്കുന്ന മൊഴി. വീടിന്റെ പിന്വശത്തെ ഗ്രില്സ് കുത്തി തുറന്നാണ് മോഷ്ടാക്കള് അകത്തുകയറിയത്. തുടര്ന്ന് സോമശേഖരന്റെ കൈകള് കൂട്ടിക്കെട്ടിയിട്ടു. തടയാന് ശ്രമിച്ച സോമശേഖരന്റെ മുഖത്തടക്കം പ്രതികള് മര്ദ്ദിച്ചതായും പരാതിയില് പറയുന്നു. ഇദ്ദേഹം ധരിച്ചിരുന്ന രണ്ടര പവന്റെ മാലയും മോതിരവുമടക്കം അക്രമിസംഘം കൊണ്ടുപോയി. മോഷണത്തിന് ശേഷം പ്രതികള് രക്ഷപ്പെട്ടതോടെ സോമശേഖരന് സ്വയം കെട്ടഴിച്ച് പുറത്തേക്കോടുകയായിരുന്നു. സംഭവത്തില് മണ്ണുത്തി പൊലിസ് വിശദമായി അന്വേഷണം നടത്തിവരികയാണ്. വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി പരിശോധന നടത്തി.
Trending News
കുറ്റിപ്പുറം വാഹനാപകടം: മോട്ടോർ വാഹന വകുപ്പ് അധികൃതർ അന്വേഷണം തുടങ്ങി.
കുറ്റിപ്പുറം : ദേശീയ പാതയിൽ ഉണ്ടായ ബസ് അപകടം സംബന്ധിച്ച് മോട്ടോർ വാഹന വകുപ്പ് അധികൃതർ അന്വേഷണം തുടങ്ങി. കുറ്റിപ്പുറം റെയിൽവേ ഓവർ...
കുറ്റിപ്പുറത്ത് അമിത വേഗതയിൽ എത്തിയ ബസ് നിയന്ത്രണം വിട്ട് കാറിന് മുകളിലേക്ക് മറിഞ്ഞു; ഒരു മരണം നിരവധി യാത്രക്കാർക്ക് പരിക്ക്.
പരിക്കേറ്റവരിൽ മൂന്നുപേരുടെ നില ഗുരുതരം കുറ്റിപ്പുറം : ദേശീയപാതയിൽ കുറ്റിപ്പുറം പാലത്തിന് സമീപം അമിതവേഗതയിലെത്തിയ സ്വകാര്യ ബസ്...
CJP യോട് മുട്ടുമടക്കി കേന്ദ്രം; കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവെച്ചു
ന്യൂഡൽഹി: നീറ്റ് ക്രമക്കേടും ചോദ്യപേപ്പർ ചോർച്ചയുമടക്കം ഉന്നയിച്ച് ജന്തർമന്തറിൽ സമരം ചെയ്യുന്ന പാറ്റകൾക്ക് മുമ്പിൽ മുട്ടുമടക്കി...
