വെള്ളത്തിൽ വൈദ്യുതിലൈൻ പൊട്ടി വീണു; ഷോക്കേറ്റ് പത്രവിതരണക്കാരനായ വിദ്യാർഥി മരിച്ചു
accident
വള്ളിക്കുന്ന് : മലപ്പുറം വള്ളിക്കുന്നിൽ വെള്ളത്തിൽ പൊട്ടി വീണ വൈദ്യുതി ലൈനിൽ തട്ടി പത്രവിതരണക്കാരനായ വിദ്യാർഥി മരിച്ചു. പരപ്പനങ്ങാടി ചെട്ടിപ്പടി വാക്കയിൽ ശ്രീരാഗ് (17) ആണ് മരിച്ചത്. വള്ളിക്കുന്ന് ബാലാതിരുത്തിയിലാണ് സംഭവം. ഞായറാഴ്ച രാവിലെ ഏഴോടെ പത്രവിതരണത്തിനിടെ വെള്ളത്തിൽ പൊട്ടി വീണ് കിടക്കുകയായിരുന്ന വൈദ്യുതി ലൈനിൽ നിന്ന് ഷോക്കേൽക്കുകയായിരുന്നു. നാട്ടുകാരാണ് ശ്രീരാഗ് ഷോക്കേറ്റ് കിടക്കുന്നത് കണ്ടത്.
ഉടൻ നാട്ടുകാർ തന്നെ കൃത്രിമ ശ്വാസോഛാസം നൽകി കടലുണ്ടിയിലെ സ്വകാര്യാശുപത്രിയിലും പിന്നീട് കോഴിക്കോട് മെഡിക്കൽ കോളേജിലും എത്തിച്ചെങ്കിലും ജീവൻ രക്ഷിക്കാനായില്ല. നിലവിൽ വള്ളിക്കുന്നിലെ മാതാവിൻ്റെ വീട്ടിലാണ് ശ്രീരാഗ് താമസം. കഴിഞ്ഞ ദിവസം പ്രസിദ്ധീകരിച്ച പ്ലസ് ടു പരീക്ഷയിൽ വിജയിച്ച വിദ്യാർത്ഥി കൂടിയാണ്. പിതാവ് : ഷിനോജ് . മാതാവ് : സുബിത.
Trending News
ഹാൻഡ് ബ്രേക്ക് നഷ്ടപ്പെട്ട് നിയന്ത്രണം വിട്ട് ലോറി താഴേക്ക് ഉരുണ്ടിറങ്ങി; നിരവധി ഇരുചക്ര വാഹനങ്ങൾ തകർന്നു; ഒഴിവായത് വൻ അപകടം
പെരിന്തൽമണ്ണ : നഗരത്തിലെ മാർക്കറ്റ് സിറ്റി മാളിന് സമീപം സാധനങ്ങൾ ഇറക്കാൻ നിർത്തിയിട്ടിരുന്ന ചരക്കുലോറി നിയന്ത്രണം വിട്ട്...
കൊഴിഞ്ഞാമ്പാറ കുരുന്നുകളുടെ ഇരട്ടക്കൊലപാതകം: പിന്നിൽ സ്വതന്ത്ര ജീവിത മോഹങ്ങളും മോഡലിങ് സ്വപ്‌നവും
പാലക്കാട് :കൊഴിഞ്ഞാമ്പാറയിൽ രണ്ടു പിഞ്ചുകുഞ്ഞുങ്ങളെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയ സംഭവത്തിൽ...
കുളിമുറിയിലെ ടാങ്കിൽ കുട്ടികളെ മരിച്ചനിലയിൽ കണ്ടെത്തിയത് കൊലപാതകം; കുറ്റം സമ്മതിച്ച് അമ്മ; നടുക്കം.
പാലക്കാട് : കൊഴിഞ്ഞാമ്പാറ മേനോൻപാറയിൽ കുളിമുറിയിലെ വെള്ളത്തൊട്ടിയിൽ സഹോദരങ്ങളായ രണ്ട് കുട്ടികളെ മരിച്ചനിലയിൽ കണ്ടെത്തിയ...
