കൊളത്തൂർ പലകപ്പറമ്പിൽ വൻ ലഹരി വേട്ട എംഡിഎംഎയുമായി തിരൂർ പൊന്മുണ്ടം സ്വദേശി പിടിയിൽ
Business
കൊളത്തൂർ: പലക പറമ്പിൽ വൻ ലഹരി വേട്ട. ലഹരിവിരുദ്ധ ജനകീയ ക്യാമ്പയിനായ ഓപ്പറേഷൻ തൂഫാൻ ദി നാർക്കോ ഹണ്ടിന്റെ ഭാഗമായി ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് കൊളത്തൂർ പലകപ്പറമ്പ് ഭാഗത്ത് നിന്ന് 100 ഗ്രാം എംഡിഎംഎ യുമായി തിരൂർ പൊന്മുണ്ടം സ്വദേശി സക്കീർ ഹുസൈൻ ഡാൻസാഫ് സംഘത്തിന്റെ പിടിയിലായത്.
ദിവസങ്ങൾക്കു മുമ്പ് ഒരു വിദ്യാർത്ഥിയിൽ നിന്ന് എംഡിഎംഎ പിടികൂടിയ കേസിന്റെ തുടരന്വേഷണമാണ് സക്കീർ ഹുസൈനിലേക്കെത്തിയത്. ഇയാളെ ദിവസങ്ങളായി നിരീക്ഷിച്ചുവരികയായിരുന്ന പോലീസ് ലഹരി വിൽപ്പനയ്ക്കായി പോകുന്നതിനിടെയാണ് ഇന്നലെ അർദ്ധ രാത്രിയോടെ പ്രതിയെ പിടികൂടിയത്. ഇയാൾ മുൻപും ലഹരി കേസുകളിൽ പ്രതിയായിട്ടുണ്ടെന്ന് പോലീസ് അറിയിച്ചു.പെരിന്തൽമണ്ണ സി.ഐ. സുമേഷ് സുധാകരൻറെ നേതൃത്വത്തിൽ സീനിയർ സി.പി.ഒ. സുരേന്ദ്രബാബുവും ഡാൻസാഫ് സംഘവും ചേർന്നാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കുമെന്ന് പോലീസ് അറിയിച്ചു.
Trending News
ഹാൻഡ് ബ്രേക്ക് നഷ്ടപ്പെട്ട് നിയന്ത്രണം വിട്ട് ലോറി താഴേക്ക് ഉരുണ്ടിറങ്ങി; നിരവധി ഇരുചക്ര വാഹനങ്ങൾ തകർന്നു; ഒഴിവായത് വൻ അപകടം
പെരിന്തൽമണ്ണ : നഗരത്തിലെ മാർക്കറ്റ് സിറ്റി മാളിന് സമീപം സാധനങ്ങൾ ഇറക്കാൻ നിർത്തിയിട്ടിരുന്ന ചരക്കുലോറി നിയന്ത്രണം വിട്ട്...
കൊഴിഞ്ഞാമ്പാറ കുരുന്നുകളുടെ ഇരട്ടക്കൊലപാതകം: പിന്നിൽ സ്വതന്ത്ര ജീവിത മോഹങ്ങളും മോഡലിങ് സ്വപ്‌നവും
പാലക്കാട് :കൊഴിഞ്ഞാമ്പാറയിൽ രണ്ടു പിഞ്ചുകുഞ്ഞുങ്ങളെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയ സംഭവത്തിൽ...
കുളിമുറിയിലെ ടാങ്കിൽ കുട്ടികളെ മരിച്ചനിലയിൽ കണ്ടെത്തിയത് കൊലപാതകം; കുറ്റം സമ്മതിച്ച് അമ്മ; നടുക്കം.
പാലക്കാട് : കൊഴിഞ്ഞാമ്പാറ മേനോൻപാറയിൽ കുളിമുറിയിലെ വെള്ളത്തൊട്ടിയിൽ സഹോദരങ്ങളായ രണ്ട് കുട്ടികളെ മരിച്ചനിലയിൽ കണ്ടെത്തിയ...
