അലനല്ലൂരിൽ കാണാതായ മധ്യവയസ്കന്റെ മൃതദേഹം കുളത്തിൽ നിന്നും കണ്ടെത്തി
accident
മണ്ണാർക്കാട് :അലനല്ലൂരിൽ കാണാതായ മധ്യവയസ്കന്റെ മൃതദേഹം കുളത്തിൽ നിന്നും കണ്ടെത്തി.അലനല്ലൂർ മൂച്ചിക്കൽ സ്കൂളിന് സമീപത്തുള്ള ചക്കംതൊടി മുണ്ടക്കുന്ന് അബ്ദുൽസലാം (45) ന്റെ മൃതദേഹമാണ് കണ്ടെത്തിയത്. ശനിയാഴ്ച വൈകീട്ട് 5.40 ഓടെയാണ് ഇയാളെ കാണാതായത്. ബന്ധുക്കളും നാട്ടുകാരും ചേർന്ന് തിരച്ചിൽ നടത്തിയെങ്കിലും കണ്ടെത്താൻ സാധിച്ചിരുന്നില്ല.
പിന്നീട് വിവരം അറിയിച്ചതിനെ തുടർന്ന് പോലീസ് സ്ഥലത്തെത്തി സ്ഥിതിഗതികൾ വിലയിരുത്തി. മൂച്ചിക്കൽ സ്കൂളിന് സമീപമുള്ള കുളത്തിൽ അകപ്പെട്ടിരിക്കാം എന്ന സംശയത്തെ തുടർന്ന് ജനപ്രതിനിധിയായ ബഷീർ എടത്തനാട്ടുകര മണ്ണാർക്കാട് ഫയർഫോഴ്സിൽ വിവരമറിയിച്ചു. സേനാംഗങ്ങൾ എത്തി നാട്ടുകാരുടെ സഹകരണത്തോടെയുള്ള തിരച്ചിലിനിടയിലാണ് മൃതദേഹം കണ്ടെത്തിയത്. മൃതദേഹം ആശുപത്രിയിലെത്തിച്ചു. അപകടം എങ്ങനെ സംഭവിച്ചു എന്നതിനെക്കുറിച്ച് വ്യക്തതയില്ല. ശനിയാഴ്ച വൈകീട്ട് ആടിനു തീറ്റയുണ്ടാക്കാനായി വീട്ടിൽ നിന്നും സമീപമുള്ള പാടത്തേക്ക് ഇറങ്ങിയതായിരുന്നു എന്നാണ് വിവരം. സീനിയർ ഫയർ ആൻഡ് റെസ്ക്യൂ ഓഫീസർ പ്രജീഷിന്റെ നേതൃത്വത്തിൽ വി. സുരേഷ് കുമാർ, എം എസ്. ഷബീർ, മഹേഷ്, ഷോബിൻ ദാസ്, ഷെരീഫ്, പ്രദീപ് കുമാർ എന്നിവരാണ് അഗ്നിശമന സേന സംഘത്തിലുണ്ടായിരുന്നത്
Trending News
കുറ്റിപ്പുറം വാഹനാപകടം: മോട്ടോർ വാഹന വകുപ്പ് അധികൃതർ അന്വേഷണം തുടങ്ങി.
കുറ്റിപ്പുറം : ദേശീയ പാതയിൽ ഉണ്ടായ ബസ് അപകടം സംബന്ധിച്ച് മോട്ടോർ വാഹന വകുപ്പ് അധികൃതർ അന്വേഷണം തുടങ്ങി. കുറ്റിപ്പുറം റെയിൽവേ ഓവർ...
കുറ്റിപ്പുറത്ത് അമിത വേഗതയിൽ എത്തിയ ബസ് നിയന്ത്രണം വിട്ട് കാറിന് മുകളിലേക്ക് മറിഞ്ഞു; ഒരു മരണം നിരവധി യാത്രക്കാർക്ക് പരിക്ക്.
പരിക്കേറ്റവരിൽ മൂന്നുപേരുടെ നില ഗുരുതരം കുറ്റിപ്പുറം : ദേശീയപാതയിൽ കുറ്റിപ്പുറം പാലത്തിന് സമീപം അമിതവേഗതയിലെത്തിയ സ്വകാര്യ ബസ്...
CJP യോട് മുട്ടുമടക്കി കേന്ദ്രം; കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവെച്ചു
ന്യൂഡൽഹി: നീറ്റ് ക്രമക്കേടും ചോദ്യപേപ്പർ ചോർച്ചയുമടക്കം ഉന്നയിച്ച് ജന്തർമന്തറിൽ സമരം ചെയ്യുന്ന പാറ്റകൾക്ക് മുമ്പിൽ മുട്ടുമടക്കി...
