മണ്ണാർക്കാട് കല്ലടിക്കോട് രണ്ട് യുവാക്കളെ വെടിയേറ്റ് മരിച്ച നിലയിൽ കണ്ടെത്തി
Crime
മണ്ണാർക്കാട് : മണ്ണാർക്കാട് കല്ലടിക്കോട് വിജനമായ പ്രദേശത്ത് രണ്ട് യുവാക്കളെ വെടിയേറ്റ് മരിച്ച നിലയിൽ കണ്ടെത്തി ഇന്ന് പകൽ മൂന്ന് മണിക്കാണ് നാടിനെ നടുക്കിയ ദുരൂഹ സംഭവം. അയൽ വാസികളാണ് മരിച്ച രണ്ടു പേരും. കരിമ്പ മൂന്നേക്കർ മരുതംകോട് സ്വദേശി ബിനു, നിതിൻ (26) എന്നിവരാണ് മരിച്ചത്. നിതിനെ കൊലപ്പെടുത്തിയശേഷം ബിനു സ്വയം വെടിവെച്ചതാവാമെന്നാണ് നിഗമനം. കല്ലടിക്കോട് പൊലീസ് ഇൻക്വിസ്റ്റ് നടത്തി അന്വേഷണം തുടങ്ങി. മരുതംകോട് സർക്കാർ സ്‌കൂളിന് സമീപത്തെ റോഡിലാണ് ബിനുവിനെ മരിച്ച നിലയിൽ ആദ്യം കണ്ടെത്തിയത്. ചോരയിൽ കുളിച്ച നിലയിലായിരുന്നു മൃതദേഹം. തൊട്ടടുത്ത് തന്നെ നാടൻ തോക്കും കണ്ടെത്തി. പിന്നീടുള്ള പരിശോധനയിലാണ് തൊട്ടടുത്തുള്ള ആൾതാമസമില്ലാത്ത വീട്ടിൽ നിതിനെയും വെടിയേറ്റ് മരിച്ചനിലയിൽ കണ്ടെത്തിയത്. വന്യമൃഗശല്യമുള്ള പ്രദേശമായതിനാൽ ജനവാസം കുറഞ്ഞ മേഖലയാണ് ഇത് . അതുകൊണ്ട് വെടിയൊച്ച കേട്ടതായി ആരും പറയുന്നില്ല.
Trending News
ഹാൻഡ് ബ്രേക്ക് നഷ്ടപ്പെട്ട് നിയന്ത്രണം വിട്ട് ലോറി താഴേക്ക് ഉരുണ്ടിറങ്ങി; നിരവധി ഇരുചക്ര വാഹനങ്ങൾ തകർന്നു; ഒഴിവായത് വൻ അപകടം
പെരിന്തൽമണ്ണ : നഗരത്തിലെ മാർക്കറ്റ് സിറ്റി മാളിന് സമീപം സാധനങ്ങൾ ഇറക്കാൻ നിർത്തിയിട്ടിരുന്ന ചരക്കുലോറി നിയന്ത്രണം വിട്ട്...
കൊഴിഞ്ഞാമ്പാറ കുരുന്നുകളുടെ ഇരട്ടക്കൊലപാതകം: പിന്നിൽ സ്വതന്ത്ര ജീവിത മോഹങ്ങളും മോഡലിങ് സ്വപ്‌നവും
പാലക്കാട് :കൊഴിഞ്ഞാമ്പാറയിൽ രണ്ടു പിഞ്ചുകുഞ്ഞുങ്ങളെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയ സംഭവത്തിൽ...
കുളിമുറിയിലെ ടാങ്കിൽ കുട്ടികളെ മരിച്ചനിലയിൽ കണ്ടെത്തിയത് കൊലപാതകം; കുറ്റം സമ്മതിച്ച് അമ്മ; നടുക്കം.
പാലക്കാട് : കൊഴിഞ്ഞാമ്പാറ മേനോൻപാറയിൽ കുളിമുറിയിലെ വെള്ളത്തൊട്ടിയിൽ സഹോദരങ്ങളായ രണ്ട് കുട്ടികളെ മരിച്ചനിലയിൽ കണ്ടെത്തിയ...
