വ​ളാ​ഞ്ചേ​രി: സ​ഞ്ചാ​രി​ക​ളു​ടെ മ​നം ക​വ​രുന്ന കഞ്ഞിപ്പുര കൊ​ട്ട​ക്കു​ണ്ട് വെ​ള്ള​ച്ചാ​ട്ടം നിരവധിയാളുകളെ ആകർഷിക്കുന്നു . ക​ഞ്ഞി​പ്പു​ര മൗ​ണ്ട് ഹി​റ ഇ​ന്റ​ർ​നാ​ഷ​ന​ൽ സ്കൂ​ളി​ന് സ​മീ​പം വ​ളാ​ഞ്ചേ​രി ന​ഗ​ര​സ​ഭ​യി​ൽ ഉ​ൾ​പ്പെ​ടു​ന്ന പ്ര​ദേ​ശ​ത്താ​ണ് മനോഹരമായ ഈ ​വെ​ള്ള​ച്ചാ​ട്ടം. വ​ളാ​ഞ്ചേ​രി നഗരസഭയിലെ 30, 31, 32 വാ​ർ​ഡു​ക​ളി​ൽ കൂ​ടി​യാ​ണ് വെ​ള്ള​ത്തി​ന്‍റെ കു​ത്തൊ​ഴു​ക്കു​ള്ള​ത്. സ്കൂ​ളി​ന് സ​മീ​പ​ത്ത് കൂ​ടിയുള്ള കു​ന്നി​റ​ങ്ങി​യാ​ണ് ഇങ്ങോട് എ​ത്തേ​ണ്ട​ത്.

കൊ​ട്ട​ക്കു​ണ്ട് വെ​ള്ള​ച്ചാ​ട്ടം

വി​വി​ധ​യി​നം മ​ത്സ്യ​ങ്ങ​ളു​ടെ വാസമേഖലയാണ് ഇ​വി​ടെ . വി​വി​ധ​യി​നം പ​ക്ഷി​ക​ളു​ടെ പ​റു​ദീ​സ കൂ​ടി​യാ​ണി​വി​ടം കുന്നിൻ ചെരുവിലെ പാറക്കെട്ടുകൾക്കിടയിലൂടെ നീരുറവയായി വരുന്ന ഈ വെള്ളച്ചാട്ടം ആസ്വാദിക്കാൻ ഒഴിവുദിവ സങ്ങളിൽ സ്ത്രീകളും കുട്ടികളും ഉൾപ്പെടെ നിരവധി പേര് ഇവിടെ എത്തുന്നുണ്ടിപ്പോൾ.സമീപത്തെ വാനപ്രദേശത്തെ മയിൽ, കുരങ്ങ്, വെരുക്, കുറുക്കൻ എന്നിവയും ഈ നീരുറവക്കടുത്ത് വന്നു പോകുന്നത് സന്ദർശകർക്ക് കാഴ്ചയുടെ വിരുന്നൊരുക്കുന്നുണ്ട്.

ശരിയായ വഴി ഇല്ലാത്ത ഈ പ്രദേശം ഉൾപ്പെടുന്ന നഗരസഭയിലെ 30, 32 വാർഡുകളെ ബന്ധിപ്പിച്ച് വെള്ളച്ചാട്ടത്തിന് മുകളിലൂടെ ചെറിയ പാലം തീർത്ത് കോതോൾ വഴി റോഡ് യാഥാർഥ്യമാക്കിയാൽ ഇവിടം താമസിക്കു ന്നവർക്കും സഞ്ചാരികൾക്കും ഗതാഗതം എളുപ്പ മാകും.

കൂടാതെ മഴകാലങ്ങളിൽ മാത്രം സജീവമാകുന്ന വെള്ളച്ചാട്ടത്തിനു താഴെ തടയണ കെട്ടി സംരക്ഷിച്ചാൽ തോടുകളിലൂടെ ഒഴുകിപ്പോകുന്ന വെള്ളം കൃഷിക്കും ശുദ്ധജല വ തരണത്തിനും ഉപയോഗിക്കാൻ സാധിക്കും. ഇ തിനാവശ്യമായ നടപടികൾ അധികൃതർ സ്വീകരിക്കുമെന്ന പ്രതീക്ഷയിലാണ് നാട്ടുകാർ.