കൊപ്പത്ത് സ്കൂട്ടറിൽ ലോറിയിടിച്ച് യുവതി മരിച്ചു
accident
വിളയൂർ: കൊപ്പത്ത് സ്കൂട്ടറിൽ ലോറിയിടിച്ചുണ്ടായ അപകടത്തിൽ യുവതി മരണപ്പെട്ടു. വിളയൂർ കൂരാച്ചിപ്പടി ഉദയപുരം കണ്ടത്തൊടി വീട്ടിൽ ഫാത്തിമ സുഹറ(43)യാണ് മരിച്ചത്. ശനി പകൽ നാലോടെ കൊപ്പം പോലീസ് സ്റ്റേഷനു സമീപത്താണ് അപകടം. കൊപ്പം ഭാഗത്തുനിന്നും ഇളയ മകൻ ഷമീലുമൊത്ത് വിളയൂരിലേക്ക് വരുകയായിരുന്ന ഫാത്തിമ സുഹറയുടെ സ്കൂട്ടറിൽ എതിർഭാഗത്തു നിന്നും വരുകയായിരുന്ന ദോസ്‌ത്‌ ഗുഡ്‌സ്‌ ലോറി ഇടിക്കുകയായിരുന്നു. ഗുരുതരമായി പരുക്കേറ്റ ഫത്തിമ സുഹറയെ പെരിന്തൽമണ്ണയിലെ സ്വകാര്യ ആശുപത്രിയിൽ എത്തിച്ചെങ്കിലും വൈകീട്ടോടെ മരണപെടുകയായിരുന്നു . അപകടത്തിൽ സ്‌കൂട്ടറിൽനിന്ന് തെറിച്ചുവീണ ഷാമീൽ നിസാരപരിക്കുകളോടെ രക്ഷപ്പെട്ടു. മൃതദേഹം ഞായറാഴ്ച പോസ്റ്റുമോർട്ടത്തിനു ശേഷം ബന്ധുക്കൾക്ക് വിട്ടു നൽകും. ഭർത്താവ് കാസിം വിദേശത്താണ്. മക്കൾ: മുഹമ്മദ് സഫീർ, ഫാത്തിമ സഫ്ല, ഷമീൽ.
Trending News
ഹാൻഡ് ബ്രേക്ക് നഷ്ടപ്പെട്ട് നിയന്ത്രണം വിട്ട് ലോറി താഴേക്ക് ഉരുണ്ടിറങ്ങി; നിരവധി ഇരുചക്ര വാഹനങ്ങൾ തകർന്നു; ഒഴിവായത് വൻ അപകടം
പെരിന്തൽമണ്ണ : നഗരത്തിലെ മാർക്കറ്റ് സിറ്റി മാളിന് സമീപം സാധനങ്ങൾ ഇറക്കാൻ നിർത്തിയിട്ടിരുന്ന ചരക്കുലോറി നിയന്ത്രണം വിട്ട്...
കൊഴിഞ്ഞാമ്പാറ കുരുന്നുകളുടെ ഇരട്ടക്കൊലപാതകം: പിന്നിൽ സ്വതന്ത്ര ജീവിത മോഹങ്ങളും മോഡലിങ് സ്വപ്‌നവും
പാലക്കാട് :കൊഴിഞ്ഞാമ്പാറയിൽ രണ്ടു പിഞ്ചുകുഞ്ഞുങ്ങളെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയ സംഭവത്തിൽ...
കുളിമുറിയിലെ ടാങ്കിൽ കുട്ടികളെ മരിച്ചനിലയിൽ കണ്ടെത്തിയത് കൊലപാതകം; കുറ്റം സമ്മതിച്ച് അമ്മ; നടുക്കം.
പാലക്കാട് : കൊഴിഞ്ഞാമ്പാറ മേനോൻപാറയിൽ കുളിമുറിയിലെ വെള്ളത്തൊട്ടിയിൽ സഹോദരങ്ങളായ രണ്ട് കുട്ടികളെ മരിച്ചനിലയിൽ കണ്ടെത്തിയ...
