തവനൂർ ജയിലിലേക്ക് ലഹരി കടത്താൻ ഇടത്താവളം മഞ്ചേരി മെഡിക്കൽ കോളേജ്; മയക്കുമരുന്ന് ശൃംഖലയിലെ മുഖ്യകണ്ണി പിടിയിൽ

Business

തവനൂർ ജയിലിലേക്ക് ലഹരി കടത്താൻ ഇടത്താവളം മഞ്ചേരി മെഡിക്കൽ കോളേജ്; മയക്കുമരുന്ന് ശൃംഖലയിലെ മുഖ്യകണ്ണി പിടിയിൽ

ആശുപത്രിയിലെ ശുചിമുറിയിൽ ഒളിപ്പിച്ച് വെക്കുന്ന മയക്ക് മരുന്ന് അസുഖം അഭിനയിച്ച് അവിടെ എത്തുന്ന തടവ് പുള്ളികൾ കൊണ്ട് പോകുകയാണ് പതിവ്

മലപ്പുറം: തവനൂർ സെൻട്രൽ ജയിലിലേക്ക് ലഹരി കടത്താൻ മഞ്ചേരി മെഡിക്കൽ കോളേജ് ഇടത്താവളമാക്കിയതായി പൊലീസ് അന്വേഷണത്തിൽ വ്യക്തമായി. മങ്കട പോലീസ് മയക്ക് മരുന്ന് കടത്തുകാരനെ പിടികൂടുക മാത്രമല്ല, സെൻട്രൽ ജയിലിലേക്ക് ഇവ കടത്താൻ ഉള്ള വഴി കണ്ടു പിടിക്കുക കൂടിയാണ് ചെയ്തത്. തവനൂർ സെൻട്രൽ ജയിലിൽ കഴിയുന്ന കൊലപാതക കേസിലെ പ്രതികൾക്ക് കഞ്ചാവ്, ഹാഷിഷ് ഓയിൽ എന്നിവ എത്തിക്കുവാൻ ശ്രമിച്ചയാൾ ആണ് പോലീസ് പിടിയിലായത്. മങ്കട ആയിരനാഴിപ്പടിയിലുള്ള മുരിങ്ങാപറമ്പിൽ വീട്ടിൽ, ബിജേഷ് (29) ആണ് പിടിയിലായത്. മങ്കട സി ഐ വിഷ്ണു, എസ് ഐ ഉദയൻ എന്നിവരുടെ നേതൃത്വത്തിലുള്ള പോലീസ് സംഘമാണ് ബിജേഷിനെ അറസ്റ്റ് ചെയ്തത്. ബുധനാഴ്ച രാത്രി 11 മണിയോടെ ആയിരനാഴിപ്പടി വെച്ച് വാഹന പരിശോധനക്കിടെ ആണ് പ്രതി പിടിയിലായത്. ഇയാളുടെ കാറിൽ നിന്ന് കഞ്ചാവും, ഹാഷിഷ് ഓയിലും കണ്ടെത്തി.