തിരൂരിൽ നിന്നും കാണാതായ യുവതി കൊല്ലപ്പെട്ടു; മൃതദേഹം ചാക്കിൽ കെട്ടിയ നിലയിൽ; ഭർത്താവിനായി തിരച്ചിൽ.
Crime
തിരൂർ;പടിഞ്ഞാറേക്കരയിൽ നിന്ന് ദുരൂഹ സാഹചര്യത്തിൽ കാണാതായ ദമ്പതികളിൽ യുവതിയെ കൊലപ്പെടുത്തിയ നിലയിൽ കണ്ടെത്തി. പുറത്തൂർ പടിഞ്ഞാറേക്കര അമ്പലപ്പടി സ്വദേശിനി അണ്ടിപ്പാട്ട് ഫൗസിയ (37) യുടെ മൃതദേഹമാണ് ചാക്കിൽ കെട്ടിയ നിലയിൽ ജെട്ടി ലൈനിൽ നിന്ന് കണ്ടെത്തിയത്.
സംഭവത്തിന് ശേഷം ഒളിവിൽ പോയ ഭർത്താവ് ഹുസൈനായി (40) പോലീസ് അന്വേഷണം ഊർജ്ജിതമാക്കി. ഇന്നലെയാണ് ദമ്പതികളെ കാണാതായത്. ഉച്ചയ്ക്ക് ഒരു മണിക്കും വൈകുന്നേരം ആറ് മണിക്കും ഇടയിലുള്ള സമയത്ത് വീട്ടിൽ കിടന്നുറങ്ങുകയായിരുന്ന ഫൗസിയയെ ‘മീൻ വാരാൻ പോകാം’ എന്ന് പറഞ്ഞ് ഭർത്താവ് ഹുസൈൻ വിളിച്ചുകൊണ്ടുപോകുകയായിരുന്നുവെന്ന് മകൻ ഷബീബ് തിരൂർ പോലീസിൽ നൽകിയ പരാതിയിൽ പറയുന്നു. വൈകുന്നേരമായിട്ടും ഇരുവരും തിരികെ എത്താതിരുന്നതിനെ തുടർന്ന് ബന്ധുക്കളും പോലീസും അന്വേഷണം നടത്തുന്നതിനിടെയാണ് ഇന്ന് വൈകുന്നേരം പടിഞ്ഞാറേക്കര ജെട്ടി ലൈനിൽ ചാക്കിൽ പൊതിഞ്ഞ നിലയിൽ ഫൗസിയയുടെ മൃതദേഹം കണ്ടെത്തിയത്. സംഭവത്തിൽ തിരൂർ പോലീസ് കേസ് രജിസ്റ്റർ ചെയ്ത് ശാസ്ത്രീയ പരിശോധനകൾ ആരംഭിച്ചു. ഒളിവിൽ പോയ ഭർത്താവ് ഹുസൈനാണ് കൊലപാതകത്തിന് പിന്നിലെന്നാണ് പോലീസിന്റെ പ്രാഥമിക നിഗമനം. ഇയാൾക്കായി തെരച്ചിൽ ശക്തമാക്കിയിട്ടുണ്ട്
Trending News
ഹാൻഡ് ബ്രേക്ക് നഷ്ടപ്പെട്ട് നിയന്ത്രണം വിട്ട് ലോറി താഴേക്ക് ഉരുണ്ടിറങ്ങി; നിരവധി ഇരുചക്ര വാഹനങ്ങൾ തകർന്നു; ഒഴിവായത് വൻ അപകടം
പെരിന്തൽമണ്ണ : നഗരത്തിലെ മാർക്കറ്റ് സിറ്റി മാളിന് സമീപം സാധനങ്ങൾ ഇറക്കാൻ നിർത്തിയിട്ടിരുന്ന ചരക്കുലോറി നിയന്ത്രണം വിട്ട്...
കൊഴിഞ്ഞാമ്പാറ കുരുന്നുകളുടെ ഇരട്ടക്കൊലപാതകം: പിന്നിൽ സ്വതന്ത്ര ജീവിത മോഹങ്ങളും മോഡലിങ് സ്വപ്‌നവും
പാലക്കാട് :കൊഴിഞ്ഞാമ്പാറയിൽ രണ്ടു പിഞ്ചുകുഞ്ഞുങ്ങളെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയ സംഭവത്തിൽ...
കുളിമുറിയിലെ ടാങ്കിൽ കുട്ടികളെ മരിച്ചനിലയിൽ കണ്ടെത്തിയത് കൊലപാതകം; കുറ്റം സമ്മതിച്ച് അമ്മ; നടുക്കം.
പാലക്കാട് : കൊഴിഞ്ഞാമ്പാറ മേനോൻപാറയിൽ കുളിമുറിയിലെ വെള്ളത്തൊട്ടിയിൽ സഹോദരങ്ങളായ രണ്ട് കുട്ടികളെ മരിച്ചനിലയിൽ കണ്ടെത്തിയ...
