വിവാഹസദ്യയിൽ മണ്ണ് വാരിയിട്ട് യുവതി; നാട്ടുകാരുമായി സംഘർഷം; പാചകം പൂർത്തിയാക്കിയത് പോലീസ് കാവലിൽ.
Crime
നിലമ്പൂർ :കാളികാവ് ചോക്കാട് വിവാഹസദ്യയ്ക്കായി മുറിച്ചുവെച്ച കറിക്കൂട്ടുകളിലേക്ക് അയൽവാസിയായ യുവതി മണ്ണ് വാരിയിട്ടത് പ്രദേശത്ത് വലിയ സംഘർഷത്തിനിടയാക്കി. വെള്ളിയാഴ്ച രാത്രി മാളിയേക്കൽ ജുമാ മസ്ജിദിന് കീഴിലെ മദ്രസ ഓഡിറ്റോറിയത്തിൽ വിവാഹത്തിനായി ഭക്ഷണപ്പണി നടക്കുമ്പോഴായിരുന്നു അപ്രതീക്ഷിതമായ ഈ സംഭവം നടന്നത്. വിവാഹം നടക്കുന്ന സ്ഥലത്തെച്ചൊല്ലി യുവതിയും മദ്രസ കമ്മിറ്റിയും തമ്മിൽ നിലവിൽ കോടതിയിൽ കേസ് നിലനിൽക്കുന്നുണ്ട്.
ഈ സ്ഥലത്തുള്ള കിണറ്റിലെ വെള്ളം ഉപയോഗിക്കാൻ കോടതി യുവതിക്ക് അനുമതി നൽകിയിരുന്നു. എന്നാൽ കിണറിന് സമീപം പാചകം ചെയ്യുന്നതിനെ യുവതി എതിർത്തു. ഇതിലുള്ള പ്രതിഷേധമായാണ് പാചകത്തിനായി തയ്യാറാക്കി വെച്ചിരുന്ന പച്ചക്കറികളിലേക്ക് യുവതി മണ്ണ് എറിഞ്ഞത്.വിവരമറിഞ്ഞ് നാട്ടുകാർ കൂട്ടത്തോടെ പ്രതിഷേധവുമായി എത്തിയതോടെ സ്ഥലത്ത് സംഘർഷാവസ്ഥ ഉടലെടുത്തു. തുടർന്ന് കാളികാവ് പോലീസ് സ്ഥലത്തെത്തിയാണ് സ്ഥിതിഗതികൾ ശാന്തമാക്കിയത്.വരന്റെ പരാതിയിൽ യുവതിക്കെതിരെ പോലീസ് കേസെടുത്തിട്ടുണ്ട്. പ്രതിഷേധങ്ങളെത്തുടർന്ന് തടസ്സപ്പെട്ട പാചകം പിന്നീട് പോലീസ് കാവലിലാണ് പൂർത്തിയാക്കിയത്
Trending News
ഹാൻഡ് ബ്രേക്ക് നഷ്ടപ്പെട്ട് നിയന്ത്രണം വിട്ട് ലോറി താഴേക്ക് ഉരുണ്ടിറങ്ങി; നിരവധി ഇരുചക്ര വാഹനങ്ങൾ തകർന്നു; ഒഴിവായത് വൻ അപകടം
പെരിന്തൽമണ്ണ : നഗരത്തിലെ മാർക്കറ്റ് സിറ്റി മാളിന് സമീപം സാധനങ്ങൾ ഇറക്കാൻ നിർത്തിയിട്ടിരുന്ന ചരക്കുലോറി നിയന്ത്രണം വിട്ട്...
കൊഴിഞ്ഞാമ്പാറ കുരുന്നുകളുടെ ഇരട്ടക്കൊലപാതകം: പിന്നിൽ സ്വതന്ത്ര ജീവിത മോഹങ്ങളും മോഡലിങ് സ്വപ്‌നവും
പാലക്കാട് :കൊഴിഞ്ഞാമ്പാറയിൽ രണ്ടു പിഞ്ചുകുഞ്ഞുങ്ങളെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയ സംഭവത്തിൽ...
കുളിമുറിയിലെ ടാങ്കിൽ കുട്ടികളെ മരിച്ചനിലയിൽ കണ്ടെത്തിയത് കൊലപാതകം; കുറ്റം സമ്മതിച്ച് അമ്മ; നടുക്കം.
പാലക്കാട് : കൊഴിഞ്ഞാമ്പാറ മേനോൻപാറയിൽ കുളിമുറിയിലെ വെള്ളത്തൊട്ടിയിൽ സഹോദരങ്ങളായ രണ്ട് കുട്ടികളെ മരിച്ചനിലയിൽ കണ്ടെത്തിയ...
