പ്രചരണത്തിൽ മുഴുവൻ കൂടെ നടന്നു; ഒടുവിൽ നന്ദി പറയാൻ സ്ഥാനാർത്ഥി കിണറ്റിലിറങ്ങി; വൈറലായി ഈ സ്നേഹപ്രകടനം
Entertainment
മലപ്പുറം :തദ്ദേശ തിരഞ്ഞെടുപ്പിൽ തനിക്കുവേണ്ടി പ്രചാരണത്തിൽ സജീവമായ സുഹൃത്തിന് നന്ദി പറയാൻ കിണറ്റിലിറങ്ങിയ സ്ഥാനാർത്ഥിയുടെ വീഡിയോ സമൂഹമാധ്യമങ്ങളിൽ വൈറലാകുന്നു. പുൽപ്പറ്റ പഞ്ചായത്തിലെ നാലാം വാർഡ് മുത്തനൂർ പൂച്ചേങ്ങലിൽ നിന്ന് 163 വോട്ടിന് വിജയിച്ച മുസ്ലിംലീഗ് സ്ഥാനാർത്ഥിയായ എ.ടി. ഉസ്മാനാണ് ഈ സ്നേഹ പ്രകടനത്തിലൂടെ ശ്രദ്ധേയനായത്.ഫലപ്രഖ്യാപനത്തിന് ശേഷം വോട്ടർമാരെ കാണാൻ വാർഡിലെത്തിയ ഉസ്മാൻ, തനിക്കുവേണ്ടി വീടുകൾ കയറിയിറങ്ങിയ സുഹൃത്ത് ഷിഹാബിനെ അന്വേഷിച്ചു.പതിവുപോലെ ഷിഹാബും സഹായിയും എട്ടുകോൽ താഴ്ചയുള്ള കിണറ്റിൽ പണിയെടുക്കുകയായിരുന്നു എന്നറിഞ്ഞ ഉസ്മാൻ ഉടൻതന്നെ കിണറിനടുത്തെത്തി. കയറിൽ തൂങ്ങി കിണറ്റിലിറങ്ങിയ ഉസ്മാൻ, ജോലിയിലേർപ്പെട്ടിരുന്ന ഷിഹാബിനെ ആലിംഗനം ചെയ്താണ് നന്ദി അറിയിച്ചത്. തുടർന്ന് കയറിൽ തൂങ്ങിത്തന്നെ അദ്ദേഹം മുകളിലേക്ക് കയറി. വാർഡിലെ വോട്ടർമാരെ അഭിവാദ്യം ചെയ്യാനായി അദ്ദേഹം യാത്ര തുടർന്നു.
Trending News
ഹാൻഡ് ബ്രേക്ക് നഷ്ടപ്പെട്ട് നിയന്ത്രണം വിട്ട് ലോറി താഴേക്ക് ഉരുണ്ടിറങ്ങി; നിരവധി ഇരുചക്ര വാഹനങ്ങൾ തകർന്നു; ഒഴിവായത് വൻ അപകടം
പെരിന്തൽമണ്ണ : നഗരത്തിലെ മാർക്കറ്റ് സിറ്റി മാളിന് സമീപം സാധനങ്ങൾ ഇറക്കാൻ നിർത്തിയിട്ടിരുന്ന ചരക്കുലോറി നിയന്ത്രണം വിട്ട്...
കൊഴിഞ്ഞാമ്പാറ കുരുന്നുകളുടെ ഇരട്ടക്കൊലപാതകം: പിന്നിൽ സ്വതന്ത്ര ജീവിത മോഹങ്ങളും മോഡലിങ് സ്വപ്‌നവും
പാലക്കാട് :കൊഴിഞ്ഞാമ്പാറയിൽ രണ്ടു പിഞ്ചുകുഞ്ഞുങ്ങളെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയ സംഭവത്തിൽ...
കുളിമുറിയിലെ ടാങ്കിൽ കുട്ടികളെ മരിച്ചനിലയിൽ കണ്ടെത്തിയത് കൊലപാതകം; കുറ്റം സമ്മതിച്ച് അമ്മ; നടുക്കം.
പാലക്കാട് : കൊഴിഞ്ഞാമ്പാറ മേനോൻപാറയിൽ കുളിമുറിയിലെ വെള്ളത്തൊട്ടിയിൽ സഹോദരങ്ങളായ രണ്ട് കുട്ടികളെ മരിച്ചനിലയിൽ കണ്ടെത്തിയ...
