ഭാരതപ്പുഴയിൽ ഒഴുക്കിൽപ്പെട്ട അതിഥി തൊഴിലാളിയെ കണ്ടെത്താൻ കഴിഞ്ഞില്ല.
Kerala
ഒറ്റപ്പാലം : അഞ്ചു നാൾ മുമ്പ് ഭാരതപ്പുഴയിൽ ഒഴുക്കിൽപ്പെട്ടയാളെ കണ്ടെത്താൻ എൻ.ഡി.ആർ.എഫ് സംഘം എത്തിയിട്ടും ഫലം കണ്ടില്ല. തമിഴ്നാട് ധർമപുരി ജില്ലയിലെ പാപ്പരപ്പെട്ടി സ്വദേശി ലിംഗത്തെയാണ് ഒഴുക്കിൽപ്പെട്ടു കാണാതായത്. തൃശൂരിൽ നിന്നുള്ള 18 അംഗ എൻ.ഡി.ആർ.എഫ് സംഘമാണ് അഗ്നിരക്ഷാ സേനയ്ക്കും മുങ്ങൽ വിദഗ്ധർക്കുമൊപ്പം തിരച്ചിൽ നടത്തുന്നത്. ആറ് കിലോമീറ്റർ അകലെ മാന്നനൂർ തടയണ വരെ തിരച്ചിൽ വ്യാപിപ്പിച്ചിരുന്നു. വെള്ളിയാഴ്ച വൈകുന്നേരത്തോടെ തിരച്ചിൽ നിർത്തി.
മായന്നൂർ പാലം പരിസരത്തു നിന്നും കഴിഞ്ഞ ഞായറാഴ്ച ഉച്ചകഴിഞ്ഞാണ് ലിംഗത്തെ കാണാതായത്. ലിംഗവും അയൽവാസിയായ ശിവയും (14) ചേർന്നു പുഴയിൽ കുളിക്കാൻ ഇറങ്ങിയതായിരുന്നു. ആദ്യം ഒഴുക്കിൽപ്പെട്ട ശിവയെ രക്ഷിക്കാൻ ശ്രമിക്കുന്നതിനിടെയാണ് ലിംഗം അപകടത്തിൽപ്പെട്ടത്. നാട്ടുകാർ ചേർന്നു ശിവയെ രക്ഷപ്പെടുത്തിയെങ്കിലും ലിംഗത്തെ കണ്ടെത്താനായില്ല. മഴ തുടരുന്ന സാഹചര്യത്തിൽ പുഴയിൽ ഒഴുക്കു കൂടുന്നതാണു തിരച്ചിൽ ദുഷ്കരമാക്കുന്നത്. സബ് കലക്ടർ ഡി.ധർമലശ്രീ, തഹസിൽദാർ സി.എം.അബ്ദുൽ മജീദ് എന്നിവരാണു ന‌‌ടപടികൾ ഏകോപിപ്പിക്കുന്നത്.
Trending News
ഹാൻഡ് ബ്രേക്ക് നഷ്ടപ്പെട്ട് നിയന്ത്രണം വിട്ട് ലോറി താഴേക്ക് ഉരുണ്ടിറങ്ങി; നിരവധി ഇരുചക്ര വാഹനങ്ങൾ തകർന്നു; ഒഴിവായത് വൻ അപകടം
പെരിന്തൽമണ്ണ : നഗരത്തിലെ മാർക്കറ്റ് സിറ്റി മാളിന് സമീപം സാധനങ്ങൾ ഇറക്കാൻ നിർത്തിയിട്ടിരുന്ന ചരക്കുലോറി നിയന്ത്രണം വിട്ട്...
കൊഴിഞ്ഞാമ്പാറ കുരുന്നുകളുടെ ഇരട്ടക്കൊലപാതകം: പിന്നിൽ സ്വതന്ത്ര ജീവിത മോഹങ്ങളും മോഡലിങ് സ്വപ്‌നവും
പാലക്കാട് :കൊഴിഞ്ഞാമ്പാറയിൽ രണ്ടു പിഞ്ചുകുഞ്ഞുങ്ങളെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയ സംഭവത്തിൽ...
കുളിമുറിയിലെ ടാങ്കിൽ കുട്ടികളെ മരിച്ചനിലയിൽ കണ്ടെത്തിയത് കൊലപാതകം; കുറ്റം സമ്മതിച്ച് അമ്മ; നടുക്കം.
പാലക്കാട് : കൊഴിഞ്ഞാമ്പാറ മേനോൻപാറയിൽ കുളിമുറിയിലെ വെള്ളത്തൊട്ടിയിൽ സഹോദരങ്ങളായ രണ്ട് കുട്ടികളെ മരിച്ചനിലയിൽ കണ്ടെത്തിയ...
