മങ്കട: ഒട്ടനവധി ചരിത്ര ശേഷിപ്പുകളും മനം കവരുന്ന പ്രകൃതി ദൃശ്യങ്ങളും കൊണ്ട് അനുഗൃഹീത മായ മങ്കടയിൽ ടൂറിസം വികസനത്തിന് പദ്ധതി യുമായി ഗ്രാമ പഞ്ചായത്ത്. കഴിഞ്ഞ വർക്കിങ് ഗ്രൂപ്പ്യോഗത്തിൽ ഇതു സംബന്ധിച്ച തീരുമാനം ഉണ്ടായി. അടുത്ത വാർഷിക പദ്ധതിയിൽ ഉൾപെ ടുത്തി പദ്ധതി നടപ്പിലാക്കും. ജില്ല പഞ്ചായത്ത് സഹകരണത്തോടെയാണ് പദ്ധതിക്ക് രൂപം നൽകുന്നതെന്ന് മങ്കട ഗ്രാമപഞ്ചായത്ത് പ്രസിഡന്റ് കെ. അസ്കറലി പറഞ്ഞു. എം.എൽ.എ യുമായി ഈ വിഷയത്തിൽ ചർച്ച നടത്തിയിട്ടുണ്ടെന്ന് പ്ര സിഡന്റ് കൂട്ടിച്ചേർത്തു.ചേരിയം മലയിലേക്കുള്ള ട്രക്കിങ്, പുളിച്ചിക്കല്ലി ലേയും കുരങ്ങൻ ചോലയിലേയും വ്യൂപോയിന്റി ലേക്കുള്ള യാത്ര സൗകര്യം ഒരുക്കൽ, കർക്കിട കം നാടിപ്പാറയിൽ വിനോദത്തിനുള്ള സംവിധാന ങ്ങൾ തുടങ്ങിയവ അടങ്ങിയതാണ് വിനോദ സ ഞ്ചാര പദ്ധതി. കുരങ്ങൻചോല, ചേരിയം മലയി ലെ കൊടികുത്തിക്കല്ല്, പൂക്കോടൻമല എന്നിവ യുൾക്കൊള്ളുന്ന പ്രദേശങ്ങൾ ഇക്കോടൂറിസ ത്തിന് സാധ്യതയുള്ളതാണ്. ജൈവ വൈവിധ്യ ങ്ങളാൽ സമ്പന്നവും ജലസ്രോതസുകളുടെ ഉറ വിടങ്ങളുമാണ് കുരങ്ങൻചോല പ്രദേശം.കോടമഞ്ഞ് പുതച്ചുറങ്ങുന്ന കുന്നുകളും വയലുകളും നിറഞ്ഞ പ്രകൃതി സൗന്ദര്യവും മഴക്കാലത്ത് സജീവമാകുന്ന വെള്ളച്ചാട്ടങ്ങളും കാഴ്ചകളെ മനോഹരമാക്കുന്നു. ഇതിനോട് ചേർന്ന് രണ്ടുകിലോമീറ്റർ മുകളിലേക്ക് കേറിയാൽ പുളിച്ചിക്കല്ലിൽ നിന്നുള്ള മേഘക്കൂട്ടങ്ങൾക്ക് മുകളിലൂടെയുള്ള കാഴ്ച മീശപ്പുലിമലയോട് സാദൃശ്യമുള്ളതാണ്. ആയിരക്കണക്കിന് സന്ദർശകരാണ് കഴിഞ്ഞ വർഷങ്ങളിലായി ഈ ഭാഗത്തേക്ക് ഒഴുകിയെത്തിയിരുന്നത്. എന്നാൽ പാറയുടെ മുകളിൽ
കയറുന്നത് അപകടകരമായതിനാലും സുരക്ഷ
സംവിധാനങൾ ഇല്ലാത്തതിനാലും പിന്നീട് ഈഭാഗത്ത് സന്ദർശകർക്ക് വിലക്കേർപ്പെടുത്തുകയായിരുന്നു.മുൻ എം.എൽ.എ ടി.എ. അഹമ്മദ് കബീറിന്റെ
നിർദേശത്തെ തുടർന്ന് ഇവിടെ ടൂറിസ്റ്റ് കേന്ദ്രം
സ്ഥാപിക്കാൻ ശ്രമങ്ങൾ നടക്കുകയും കെ.ടി.ഡിസി. സ്ഥലം സന്ദർശിക്കുകയും ചെയ്തിരുന്നെങ്കിലും തുടർ പ്രവർത്തനങ്ങൾ ഉണ്ടായില്ല. സമുദ്ര
നിരപ്പിൽ നിന്ന് 2011 അടി ഉയരത്തിലുള്ള കൊടികുത്തികല്ല് പ്രദേശവും അനുബന്ധിച്ച വനം വകുപ്പ് ഭൂമിയും ഉപയോഗപ്പെടുത്തി ഇക്കോടൂറിസം
വികസനം സാധ്യമാക്കണമെന്നും ആവശ്യം ഉയർന്നിരുന്നു. മലയുടെ കിഴക്കുഭാഗത്തെ പൂക്കോടൻ മലയും ദൃശ്യ ചാരുതയേകുന്നതാണ്. പശ്ചിമഘട്ടത്തിന്റെ ഭാഗമായ സൈലന്റ് വാലി മലനിരകൾ വരെ കാണാവുന്ന ദൂരക്കാഴ്ചകളാൽ സമ്പന്നമാണ് ഈ പ്രദേശം.നൂറ്റാണ്ടിന്റെ ചരിത്രമുള്ള ചേരിയം മലയിലെ ആദിവാസി ജീവിതത്തിൻ്റെ ശേഷിപ്പുകളായ പെരക്കല്ല്, കള്ളിക്കൽ പാറമട, ആവൽ മട, പെരുമ്പറമ്പിലെ അയിരുമടകൾ തുടങ്ങിയവയും മലബാർസമര കാലത്തെ ബ്രിട്ടീഷ് പട്ടാളത്തിന്റെയും മാപ്പിള
പോരാളികളുടെയും ഒളിത്താവളങ്ങൾ, രക്തസാക്ഷികളുടെ ഖബറിടങ്ങൾ, വള്ളുവക്കോനാതിരി
മാരുടെ ചരിതം ഉറങ്ങുന്ന കോവിലകങ്ങൾ, ബീരാൻ ഔലിയയുടെ ചരിത്രമുറങ്ങുന്ന വെള്ളിലയിലെ ഓട്ടുപാറ, കട്ക സിറ്റി തുടങ്ങിയവയും ഉൾപ്പെടുത്തി വിശാലമായ ടൂറിസം മേഖലക്കുള്ള സാധ്യതകൾ മങ്കടയിൽ നിലനിൽക്കുന്നുണ്ട്.